رسالة من ام غزاوية الى ابنها في الشتات

يما ياحبيبي .. رساله من غزاويه لابنها في الشتات



يما يا حبيبي :
كيف حالك يما اشتقتلك يما والله حياتي من بعدك عامله متل سطل الكولا الفاضيه يما
أنا بخير هان يما وبتمنى انك تكون بخير هناك يما
بكتبلك هادي الرسالة شوي شوي لأني بعرفش اكتب وبعرف كمان انك بتقدرش تقرا بسرعا يما

أبوك قرا في الجريدة أنو أكثر الحوادث العرضية بتصير على بعد 20 ميل من بيتنا عشان هيك
انتقلنا لبيت جديد بعيد عن بيتنا القديم اللي انتا بتعرفو20 ميل..

ما بقدر أرسلك عنوان البيت الجديد عشان اللي اشترينا منه البيت اخذ عنوانه معه، لانو بدهوش يغيرو
واحنا في الأسبوع الجاي راح نجيب عنوان بيتنا القديم عشان هيك عنوانا ما راح يتغير . . . .

البيت الجديد حلو كتيييييييير وفيه غسالة في وسط الحمام على يمين المرحاظ
كاتبين عليه اسم الماركة (سيفون) بس شكلها ما بتشتغلش منيح الأسبوع اللي راح

حطيت فيها ثلاث قمصان وسحبت السلسلة وراحوا بنص الغسالة وما عدت لقيتهم بعدها !!

الجو بهالحاره منيح شتت مرتين الأسبوع الماضي المرة الأولى بقي المطر ثلاث

أيام والمرة الثانية بقي المطر أربع أيام !!!

عمتك الحجه بتقول انها بتقدرش تبعتلك الجاكيت اللي طلبته عن طريق البريد لان وزنه ثقيل

عشان أزراره الحديدية اللي فيه فعشان هيك قطعت الأزرار وحطيتها في جيبت الجاكيت..

أبوك أشتغل شغله جديدة وتحت أيده 500 عامل بحصدو الحشيش اللي بيطلع في المقبرة .

أختك ولدت اليوم الصبح بس ما بعرف شو جابت ولد ولا بنت عشان هيك بعرفش أنت شو بدك يما

تصير خال أو خالة؟؟

عمك ابو العبد وقع في البير وكان فيه رجال حاولوا يسحبوه بس هوا ما رضيش وقاومهم بكل شجاعة يما

وغرق .

حرقناه وبقي يحترق ثلاث أيام وما نشفش لأنه رطب من الميه!!

أبو اعز أصحابك بدو يموت وطلب من صاحبك انه يدفنه وسط البحر إذا مات، وراح صاحبك يحفر قبر لأبوه وسط البحر وغرق ومات؟


و بمناسبة عيـد الضحى بدي اهنيك برمضان ، الله يجعلو زواج سعيد و امطار خير..

خلاص ما فيه اشي جديد وهادا كل اشي عندي يما.
صحيح اخوك الازعر بيسلم عليك
أمك...

ملاحظة: أنا كنت بدي ابعتلك المصاري يما بس ما تذكرت إلا بعد ما سكّرت الرسالــة